無啦啦!登入唔到，真無癮……
三天前玩玩下無端端就死機，熄機再開之後，便無法登入自己的Google account，以為只是短暫的，怎知一整天都是一樣，令到我無心工作，心裡只掛念著帳戶內的精靈，便刪除舊有的 Pokemon Go，從新下載，這動作已重複多次，但都不成功，那天感覺像失戀，心神恍惚，忐忑不安，傷心徬徨。(雖然自己未曾試過失戀)
又以為瞓醒第二日便沒事了，可以登入，點知都喺一樣，上網查看Google Play 下載區的留言，已發覺有很多人同我一樣，沒法子登入……
唯有去問，“網絡保安專家”的大兒子，要他想法子幫我去登入。
兒：有無課金呀？
我：免費嘛，做乜要俾錢！
兒：你知道，媽！呢個世界喺無免費的午餐！
我：我已經好努力咁去玩，已經去到level 20，收集咗99隻小精靈，每隻我都幫佢改個精心獨特的名字，仲有三隻蛋還在孵化緊，嗰隻“打爆你個肺”嘅精靈，都未打過道場……
兒：簡單講解你知，網上遊戲，是有一種叫排隊制，課金越多的，便排到最前，一路排下去，免費的便排到最後。
我：吓....而家隻game已經有好多問題喎，重要的是完全沒有通知，就唔俾我玩，好無道德啫!
兒：人哋喺上市公司，完全是商業活動。
我：咁樣，就算我今次能夠登入到，但佢隨時都可以唔俾我再次登入去玩嘅喎(>﹏<)
兒：想免費嘅嘢……
自己喺度諗，若是玩到去level 40，集齊所有的精靈，而突然俾佢封鎖咗個帳戶，無法再登入，唉～想下都會崩潰囉～
所以我……決定……講聲~
Sayonara……Pokemon….gone
Celing
